AYUB 23:12 - Alkitab Singog In Mongondow Masa In Tanaa

¹² Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

AYUB 23:12 ပူးပေါင်းရင်းမြစ်များ

AYUB 15:11

Nongonu sin ḷoḻipoi i Allah in mororigamubí tarimaan? Siningog nami pinongin sabar bo moḷukó pinodoyon kon tangoi-nea.

AYUB 22:22

Tarimadon onu inta sinundú i Tuhan kon inimu; tagúdon intua komintan kon bonu in ginamu.

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 6:10

Aka kon inakó tua in nobaḻíbí ḻipoi in gina; akuoi in motayokbí kon bonu in roriga. Bayongan in parenta i Allah Inta Totok in Mokudus, aindon dinuduianku bo tantúku inindoianmai.

MAZMUR 119:103

Totuu mopia in tosingogon-Mu, noiḻiu kon koromimit in biluk!

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 33:11

Táe tomayá i Tuhan in umuranbí mobaḻí, toimbaḷoi-Nea in moroton kinoouput in kobiagan.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

LUKAS 12:46

bo ki tuang monia in mamangoi kon singgai andeka wakutu inta diá sinangka-sangka. Bo kinotambakanneamai aidnea natua, yo totokbí in bongkugonnea ná intau mita inta diá mosatia kon i Allah.

YOHANES 4:32

Táe ki Yesus in notubag, “Kon i-Nakó oyúon in kaanon inta diá kinotaauan monimu.”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 8:31

Onda intua ki Yesus in noguman kon intau mita in Yahudi inta ain nopirisaya kon i-Nia, “Aka moiko bo umuran dumudui kon inta sinundú-Ku, yo moiko in totu-totuudon mobaḻí dumodudui-Ku,

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.