AYUB 22:30 - Alkitab Singog In Mongondow Masa In Tanaa

³⁰ Ki Allah in motuḷungbí kon inimu aka diá in iko kotaḷá, bo aka mogaid in iko kon inta kinoibog-Nea.”

AYUB 22:30 ပူးပေါင်းရင်းမြစ်များ

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

AYUB 23:1

Táe ki Ayub in notubag, “Akuoi in nomarow bo nogamui kon i Allah; diá in akuoi mokotahang kon roriga.

AYUB 42:9

Ki Elipas, ki Bildad bo ki Zopar in nogaid kon onu inta pinoki aid i Tuhan, bo ki Tuhan in notarima kon sambayang i Ayub.

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

MAZMUR 24:3

Ki ine in motaau motakod kon Tombuḷud i Tuhan, bo tumuot kon bonu in Baḷoi-Nea?

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

MALEAKHI 1:9

Tanaa, ei imang mita, ponungkuḷka mopoigum kon i Allah sinbá totabion-Nea in kita. Diábí tubagan-Nea in sambayangmu, bo tua in taḷámubí tontaní.

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.