AYUB 22:24 - Alkitab Singog In Mongondow Masa In Tanaa

²⁴ Ḷumbúdon in buḷawanmu inta totok in nopira; pogambatdon kon gantog in ongkag inta diádon in tubig.

AYUB 22:24 ပူးပေါင်းရင်းမြစ်များ

KINOBAḺIAN 10:29

Opir, Hawila bo Yobab. Tua komintan buí i Yoktan.

DATU MITA IMITÁNEA 10:11

Kapaḷ mita i Hiram inta nodia kon buḷawan nongkon Opir sin ogoi kon i Salomo, in nodia doman kon nobayong in batu permata bo kayu sondana.

DATU MITA IMITÁNEA 10:21

Komintan pakakat pongonginuman i Salomo in pinomia nongkon buḷawan, bo bayongan in pakakat kon Baḷoi Kayuon in Libanon in pinomiabí doman nongkon buḷawan taakan. Diábí in pinomia nongkon saḷaka, sin kon tungkuḷ i Salomo saḷaka tua in anggaponbí in intau diá in mangaḻenea.

DATU MITA IMITÁNEA 9:28

Nokoimontandon in mosia iḷumeag kon butá in Opir sin mogamá kon buḷawan 14.000 nokilo bo diaan kon i Salomo.

TAWARIKH 1 1:23

Opir, Hawila bo Yobab.

TAWARIKH 2 1:5

Mezbah bitú inta pinomia i Bezaleel ki adí i Uri, ki ompu i Hur, in kon Gibeon doman kon tayowon in Ḷoḷaigan i Tuhan. Ki Datu Salomo bo bayongan in rayat in noibada kon i Tuhan kon tua.

TAWARIKH 2 9:10

Intau mita i Datu Hiram bo intau mita i Datu Salomo inta nodia kon buḷawan nongkon Opir sin ogoi kon i Salomo, in nodia doman kon batu permata bo kayu in sondana.

TAWARIKH 2 9:27

Kon bonu in pinomarentaan i Salomo, saḷaka in inanggap bidon pakakat biasa kon Yerusalem, notongkaidon ná batu, bo kayu ḷokuyú in Libanon nobayongdon totok nádon kayu ara biasa.

AYUB 22:25

Pobiódon mako sinbá ki Inta Totok in mokawasa in mobaḻí buḷawanmu, bo saḷakamu inta totok in mopia.

AYUB 31:24

Diábí kon dodai in onda akuoi in nopongata in kapunyaanku,

AYUB 31:25

andeka mongonguman kon kaoyúonanku.

MAZMUR 45:9

Ḷambungmu nobó in taḷong mobondu, gaharu, bo sondana; mopogogitog in musik kon komaḻig nokopia kon ginamu.

YESAYA 13:12

Intau inta posaḷamaton tongá topiḻik, mosia in moyaka-yakagbí nongkon buḷawan taakan.