AYUB 22:18 - Alkitab Singog In Mongondow Masa In Tanaa

¹⁸ Bokaka ki Allahbí in inta nopobaḻí kon i monia nooyúon! Totuu kon diábí in akuoi momangaḻe kon raian in intau moraat!

AYUB 22:18 ပူးပေါင်းရင်းမြစ်များ

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 21:16

Sin tongábí popisí in ropot naton tontaní, dá kinodapotandon in bayongan makusud bo tujuan naton?” Táe akuoi in totokbí in diá moibog kon raian bo tosingogon natua:

MAZMUR 1:1

Pia in kamang in intau inta diá dinumudui kon tonggina in intau inta moraat, diá dinumayan kon intau binaradosa bo diá noyobayat in intau inta mopoompámai kon i Allah,

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

OUMAN IN RASUL MITA 15:16

‘Mopaḷut mako kon tua Akuoi in mamangoi bui,’ natua in kai Tuhan, ‘Bui-Ku posindogon in baḷoi i Daud inta aindon noumpag, bo tompiaan in rumbunnea, bodongka posindogon bui;

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.