AYUB 22:17 - Alkitab Singog In Mongondow Masa In Tanaa

¹⁷ Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

AYUB 22:17 ပူးပေါင်းရင်းမြစ်များ

AYUB 21:10

Bobiagon monia modugang mobayong, bo diábí mororiga in mononggadí.

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

IḶUAIAN 5:23

Pinangkoi akuoi namangoi kon tayowon i datu bo nosingog pinodoyon kon tangoi-Mu, yo ki datu totokdon in momogutú kon bangusa tanaa. Bo Iko tongá doman kibio-biómai, diábí motuḷung kon i monia.”

YESAYA 30:11

Bayádon, bo pongin daḷandon ibanea. Dika ponuyayow kon inami in Allah mokudus in Israel.”

MALEAKHI 3:14

Moiko in noguman, ‘Diábí in mangaḻenea in mogundoi kon i Allah. Onubí in baragunanea in mopobayá in oaidan naton kon i Tuhan Inta Totok in mokawasa, andeka mopoontong kon i-Nia kon kita in nomanasaḷdon kon aid naton inta noitaḷá?

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

MATIUS 8:34

Nokodongogmai kon tua, iḷumuaidon komintan in intau kon kotá tatua bo minayá kon i Yesus. Naonda in noyodungkuḷ i Yesus, mosia nopoigum totok kon i-Nia sinbá monaḷámaidon kon ḻipú tatua.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.