AYUB 21:26 - Alkitab Singog In Mongondow Masa In Tanaa

²⁶ Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

AYUB 21:26 ပူးပေါင်းရင်းမြစ်များ

AYUB 17:14

Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

AYUB 20:11

Umpaka sia in nobagupa bo motorindog, táe topípa bo mobaḻídon in sia ḷobud inta diá baraguna.

AYUB 21:25

Táe oyúon doman kopopatoinea in diá mopia, diá kon dodai in onda in nokorasa kon mopia.

AYUB 21:27

Totuu kon kinotaauanku onu in kon raian monimu bo bayongan inta moraat inta kon gina monimu.

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

MAZMUR 49:14

Natuata in ukur in intau inta mopongata in awaknea, bo singgai moiduduimai in intau inta moorop in tosingogonnea.

MOHOHUTUBA 9:2

Totuu, ukur inta motongkai in moiumabí kon batúan in intau: Intau motuḻid andeka intau mobelung in raian, intau mopia andeka intau moraat, intau modarit andeka intau nonajis, intau inta noposumba in kuruban andeka inta diá. Intau mopia in diábí mopia-pia in kobiagannea nongkon intau inta binaradosa, intau inta nongibot notongkaibí doman in intau inta doí mongibot.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

YESAYA 14:11

Dungkuḷmai iko in ihoromat in musik bo kecapi, táe tanaa in kon bonudon in tampat moingongow kon dunia in intau minatoi. Uḷod mita in nobaḻí tosiuganmu bo oḷuasi in nobaḻí daingmu.’