AYUB 21:20 - Alkitab Singog In Mongondow Masa In Tanaa

²⁰ Pomayádon mako inta binaradosa mobaba kon dosanea tontaní, biódon mako korasaannea tontaní in torú i Allah Inta Totok in Moḷantud.

AYUB 21:20 ပူးပေါင်းရင်းမြစ်များ

AYUB 21:21

Aka intau modaitdon in wakutunea kon dunia, mopandungpa degá in sia kon motoḷuadínea in mosanang?

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

AYUB 27:19

Sia in mosiug saḷaku intau nooyúon, táe sia in diá motaau mopobui-buimai, Kon dodai in sia mobangon nongkon pinosiugannea, nobuḻidon komintan in kaoyúonannea.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

MAZMUR 75:9

Torú i Tuhan naonda bo piala kon ḻima-Nea, piala tatua in binonuan in tubig in anggur inta mokoḷoḷangu. Ki Allah in nopobutak in bonunea, bayongan in intau moraat kon dunia musti monginum dapot in modait.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YEREMIA 31:30

táe ki ine bidon inta nokaan kon noboil, yo ingiponnea bidon tontaní in mongilu. Batúan in intau in matoibí popisí in dosanea tontaní.”

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

PINOGIAPAN 14:28

Musti tubagan monimu nanaa in mosia: Ki Tuhan noguman, ‘Akuoi in mongibot podoyon kon tangoi-Ku tontaní inta nobiag kon moiko in pomiaan-Kubí ná inta pinoguman monimu kon tayowon-Ku. Akuoi, ki Tuhan, aindon nosingog.

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.