AYUB 21:16 - Alkitab Singog In Mongondow Masa In Tanaa

¹⁶ Sin tongábí popisí in ropot naton tontaní, dá kinodapotandon in bayongan makusud bo tujuan naton?” Táe akuoi in totokbí in diá moibog kon raian bo tosingogon natua:

AYUB 21:16 ပူးပေါင်းရင်းမြစ်များ

KINOBAḺIAN 49:6

Akuoi in diábí dumudui kon pinoyopakatan monia, diá doman tumuot kon pinoyosipunan monia. Sin mosia in noḻimod popisí in dinia in yaat in gina, mopotungkud in bantong sin tua in mokosanang kon i monia.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 22:18

Bokaka ki Allahbí in inta nopobaḻí kon i monia nooyúon! Totuu kon diábí in akuoi momangaḻe kon raian in intau moraat!

MAZMUR 1:1

Pia in kamang in intau inta diá dinumudui kon tonggina in intau inta moraat, diá dinumayan kon intau binaradosa bo diá noyobayat in intau inta mopoompámai kon i Allah,

AMSAL 1:10

Aka intau binaradosa monongganut kon inimu, adíku, dikabí duduianmu in tongganut monia.

AMSAL 5:8

Pokopoyayúdon kon bobay inta ná tatua! Modapotbí in dika dimiug kon baḷoinea.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

LUKAS 16:2

Dá inoiníneadon in bendaharanea tatua bo pinoḻiboan nanaa, ‘Degá totuu in bayongan inta ain dinongogku soaḷ oaidmu? Aka totuu kon natua, yo tanaa mako posarakaidon modait kon inakó in lapuran in bayongan oaidanmu, sin pogogaionkudon in iko.’

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.