AYUB 21:14 - Alkitab Singog In Mongondow Masa In Tanaa

¹⁴ Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

AYUB 21:14 ပူးပေါင်းရင်းမြစ်များ

AYUB 22:17

Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

AYUB 34:27

Sin, mosia in diá dinumudui kon ibog-Nea bo diá mokidongog kon parenta-Nea mita.

AYUB 35:10

Táe deemanbí kon i Allah, inta nomaḻí kon inia inta nobogoi in kamang kon dodai in morobonod in gina,

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

YESAYA 30:11

Bayádon, bo pongin daḷandon ibanea. Dika ponuyayow kon inami in Allah mokudus in Israel.”

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

HABAKUK 1:15

Bangusa in Babel nodomok kon intau mita mopomaké in kail, naonda bo mosia tua in toyá. Intau mita tatua in inugut kon bonu in ḷaḷa mita bo intau in Babel mopia in gina monia kon onu inta nouḻí monia.

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.