AYUB 20:26 - Alkitab Singog In Mongondow Masa In Tanaa

²⁶ Norimumudon in bayongan kapunyaan inta sinagúnea; sia takin bayongan in motoḷuadínea kinaan in tuḷú inta deeman pinoyongkit in intau.

AYUB 20:26 ပူးပေါင်းရင်းမြစ်များ

AYUB 15:30

Sia in diábí moiḷagui kon sindip; tuḷú in momokakbí kon tokatnea mita. Moputúbí in sia in tompot nongkon bibig i Allah.

AYUB 5:14

Kon tungkuḷ in singgai mosia kokoḷoban in sindip, mongokap naonda bo doḷom.

MAZMUR 120:4

Kodia-dia in piot moruit in pojuang tobatú, takin doman in baga inta kodoko-dokot!

MAZMUR 21:9

Sia in modakopbí kon bayongan in musungnea, bo nodomok kon bayongan in intau inta nondoí kon i-Nia.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 8:12

Táe intau mita inta sabanarnea mobaḻí tombonu in soroga toko pogonagdon kon tampat inta mosindip totok. Kon tua kodongogandon in ombaḷ bo roriga.”

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.