AYUB 20:22 - Alkitab Singog In Mongondow Masa In Tanaa

²² Kon tungkuḷ in mooyúondon totok in sia, roriga bo robonoḷ in ginanea mamangoi moiantug kon inia.

AYUB 20:22 ပူးပေါင်းရင်းမြစ်များ

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

AYUB 1:17

Diápa in sia nopaḷut nosingog, kon dodai in bobantung intoḷunea namangoi nopotaau, “Toḷu nopaanan in mogogagow intau in Kasdim in nogagowdon kon unta mita i Tuang bo noḻimod kon bobantung mita i Tuang. Tongádon akuoi tontaní in nokoḷagui dá notaaudon namangoi nopotaau intua kon i Tuang.”

AYUB 15:29

Kaoyúonan in intau tatua in mobuḻibí takin diá in paḷotnea; kapunyaannea in modaitbí

AYUB 16:11

Ki Allah in nobogoi kon inakó kon intau moraat; akuoi pinogonagnea kon kawasa in intau mokotor.

AYUB 18:7

Ḷampangnea inta mopia mobaḻídon moipape magí-mako; tomayánea tontaní in mokopopisí kon inia moipintud.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AYUB 3:17

Kon tua, kon bonu in poḷoḷobongan, intau moraat in diábí mogaid kon inta moraat, bo mogogaid inta kinodaitandon in ropotnea in motaau mopoguḻí in ḷopínea.

AYUB 5:5

Onu in batunon monia kon gobánea, nodait kinaan in intau inta diá in bonu in siannea. Nodapot in gandum inta kon yuak in dugi, nodait kinaan in intau inta ginogoi. Kapunyaan bo kaoyúonan monia umuran tarapon mako in intau inta moibog in kapunyaan.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’