AYUB 20:21 - Alkitab Singog In Mongondow Masa In Tanaa

²¹ Aka mongaan in sia dá kodaitonneabí komintan, tuamai in kobiagannea motompia diá mononoi.

AYUB 20:21 ပူးပေါင်းရင်းမြစ်များ

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

AYUB 15:29

Kaoyúonan in intau tatua in mobuḻibí takin diá in paḷotnea; kapunyaannea in modaitbí

AYUB 18:19

Adí bo buí diá bidon kon inia; kon ḻipúnea diá bidon tobatúmai in kiagatnea.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 5:9

Dinongog-Ku in ki Tuhan Inta Totok in mokawasa in nongibot, “Baḷoi mita inta moḷoben bo inta mongogaga tanaa komintanbí taḷaanmai bo diá utunan.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

AMOS 3:11

Tuamai in butá monia in kopungonbí in musung, poḷoḷukadan monia irimumud, bo komaḻig mita monia inagow.