AYUB 20:14 - Alkitab Singog In Mongondow Masa In Tanaa

¹⁴ Táe kaanon tatua in mobaḷui kon bonu in bobuḷadían, mobaḻí rasum mopait mododia kon popatoi.

AYUB 20:14 ပူးပေါင်းရင်းမြစ်များ

AYUB 20:15

Kapunyaan sinakow inta iḻiomnea, pakisadon pinototukanea; pinoḷuai i Allah intua nongkon bonu in siannea.

AYUB 20:16

Intau moraat in monginumbí kon rasum inta mododia kon bodito, sia in matoibí intua naonda bo sinobak in uḷag mobisa.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 20:17

Kapunyaan inta nouḻí inuboḷan, dungkuḷ mopira in nanamnea, táe moiduduimai kon tua nádon batu inta moḷanit.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

SURAT I PAULUS KON JAMAAT RUM 3:13

Sigogow monia in naonda bo poḷoḷobonganan inta noibukat mako. Dilá monia in pinaké monia mosingog kon uboḷ, bo kuḻit in bibig monia in totok mobisa, naonda bo bisa in uḷag.

ULANGAN 32:24

Mosia in matoibí popisí in morintonow bo gogoyon, bo popisí doman in takit inta mokoondok. Pomayá-Kudon mako in mosia domokon in mahaḷuk moraat, bo tobakon in uḷag mobisa.