AYUB 19:14 - Alkitab Singog In Mongondow Masa In Tanaa

¹⁴ Inanakanku komintan yumayú; yobayatku mita diádon mokotorop kon inakó bui.

AYUB 19:14 ပူးပေါင်းရင်းမြစ်များ

KINOBAḺIAN 40:23

Táe mopoposadia kon oinumon i datu tatua in diá bidon kinotoropannea in ki Yusup. Totok bidon in kinoḻiongannea in ki Yusup.

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

AYUB 19:15

Bobantungku bobay kinoḻionganneadon in akuoi, ki tuang monia; inanggapnea in akuoi intau inta diá nogogintaauannea.

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

MAZMUR 38:11

Putúku in modoḷodok, ropotku in nodait, mataku in noyambotdon.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’