AYUB 18:19 - Alkitab Singog In Mongondow Masa In Tanaa

¹⁹ Adí bo buí diá bidon kon inia; kon ḻipúnea diá bidon tobatúmai in kiagatnea.

AYUB 18:19 ပူးပေါင်းရင်းမြစ်များ

AYUB 1:19

Bo daḻíbí in deḷang nogirup nongkon rawang in bungaion bo nondangat kon baḷoi tatua nodapot in noumpag bo noidantug kon i adí mita i Tuang dá minatoidon komintan in ki adí mita i Tuang. Tongádon akuoi naa in nobiag dá notaau namangoi nopotaau intua kon i Tuang.”

AYUB 20:21

Aka mongaan in sia dá kodaitonneabí komintan, tuamai in kobiagannea motompia diá mononoi.

AYUB 8:4

Degá ki adímu mita in binaradosadon kon i-Nia, dá patusbí in mosia ihukum-Nea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

YESAYA 14:20

Iko in ain noyopú kon butámu bo noḻimod kon bangusamu tontaní. Tuamai iko in diábí ḷobongon ná datu mita ibanea. Diábí in tobatúmai nongkon motoḷuadímu inta moraat tua in posaḷamaton.

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”