AYUB 18:17 - Alkitab Singog In Mongondow Masa In Tanaa

¹⁷ Sia in diá bidon kinotaauan kon bonunea andeka kon ḷuai in kotá; diá bidon in tobatúmai in intau in nokotoropa kon tangoinea.

AYUB 18:17 ပူးပေါင်းရင်းမြစ်များ

AYUB 13:12

Bayongan in tongginamu naonda bo ḷobud inta diá in baragunanea; pobelaanmu ná butá motobai inta mogampang moitabud.

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 109:15

Biódon mako in dosa monia umuran kotoropan i Tuhan, bo diábí in monanob kon i monia kon butá.

MAZMUR 34:16

Ki Tuhan in monaridi mako kon intau inta motoḷutui, Sia in mokidongog aka mosia mokuani mokituḷung.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”

MAZMUR 83:4

Mosia in nonomayá kon diá mopia monayow kon umat-Mu; bo noyosingogdon kon monayow kon intau mita inta iḷukadan-Mu.

MAZMUR 9:6

Iko in nohukumdon kon bangusa mita bo noyopú kon intau mita moraat; mosia in iḻiongdon modapot in mononoi.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

AMSAL 2:22

Táe intau moraat bo binaradosa in pogambat kon ḷuai i Allah nongkon butá tatua, naonda bo bonok irabut nongkon butá.

YESAYA 14:20

Iko in ain noyopú kon butámu bo noḻimod kon bangusamu tontaní. Tuamai iko in diábí ḷobongon ná datu mita ibanea. Diábí in tobatúmai nongkon motoḷuadímu inta moraat tua in posaḷamaton.

YESAYA 26:14

Mosia tua in minatoi bidon bo diábí mobiag bui, dimukudnea in diábí mobiag bui. Sin mosia in nodaitdon iyopú-Mu bo pinopatan-Mudon kon bonu in gina.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”