AYUB 18:16 - Alkitab Singog In Mongondow Masa In Tanaa

¹⁶ Uakatnea mita in noingkag bo noḷaot; tanganea mita noingkag bo noḷaḷow.

AYUB 18:16 ပူးပေါင်းရင်းမြစ်များ

AYUB 15:30

Sia in diábí moiḷagui kon sindip; tuḷú in momokakbí kon tokatnea mita. Moputúbí in sia in tompot nongkon bibig i Allah.

AYUB 15:32

Kon dodai in diápa nodapot in wakutunea, matoi in sia, naonda bo tanga mointok noḷaḷow inta diádon moḷunow bui.

AYUB 29:19

Akuoi in naonda bo pangkoi in kayu inta nobiag noḷumbá, uakatnea tugat diá kodaitan in tubig bo oḷú momuntad kon tanganea.

AYUB 8:17

Uakatnea in moikeket kon batu mita kon butá; moikeket totok, diábí mogampang motundan.

YESAYA 14:20

Iko in ain noyopú kon butámu bo noḻimod kon bangusamu tontaní. Tuamai iko in diábí ḷobongon ná datu mita ibanea. Diábí in tobatúmai nongkon motoḷuadímu inta moraat tua in posaḷamaton.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.