AYUB 18:13 - Alkitab Singog In Mongondow Masa In Tanaa

¹³ Kuḻitnea kinarat in takit inta mororiga; kokaḷ bo sioḷnea in moburuk notombobog.

AYUB 18:13 ပူးပေါင်းရင်းမြစ်များ

KINOBAḺIAN 31:15

Kami in pinomianeadon ná intau ango-angoi. Sia ain nopotaḷui kon inami bo onu inta ain sinarimanea tatua, ain domandon kinodaitnea tontaní.

KINOBAḺIAN 49:3

Ruben, ki adíku inta guya-guyang, ikobí in ropotku, bungai uḷuan in ḷoḷakiku. Iko in moroton totok bo moropot kon sigad in bayongan adíku mita.

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

YESAYA 14:30

Moiko in koantuganbí in malarat in gogoy inta motoyang, bo bayongan in intau inta kinotaḷáan in ḻimodonbí. Noyotoḻikud kon tua, intau inta totok in nobogá nongkon umat i Tuhan in mokouḻíbí kon kaanon, bo intau mita inta diá kodaya in mobiagbí moaman bo mobiag motompia.

YUNUS 2:6

Akuoi in iḷumanduk noidapot kon apad in tombuḷud, kon dunia inta bonawangnea kinunsían modapot in singgai tumi. Dimukudku in moḷopídon totok kon bonu in awakku, bo kinotoropankudon bo nokuani kon ini-Mu. Dá noiyaputdon in sambayangku kon ini-Mu, kon bonu in Baḷoi-Mu inta mokudus. Bo pinopoponik-Mudon in akuoi nongkon bonu in dagat, o Tuhan Allahku!

ZAKHARIA 14:12

Ki Tuhan in mopoangoibí in panyaki inta mokokoningkim kon bayongan in bangusa inta ain noparang nonayow kon Yerusalem. Mata bo dilá monia, nodapot in bayongan in awak monia in mobongkogdon kobia-biagpabí mako.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.