AYUB 17:5 - Alkitab Singog In Mongondow Masa In Tanaa

⁵ Podudui in singog tango-tangoion, ki ine in mopongadu kon yobayat popisí in motayak kon kauntungan, ki adínea mita tontaní in motarima kon tontuḻí.

AYUB 17:5 ပူးပေါင်းရင်းမြစ်များ

DATU MITA IMITÁNEA 11:12

Umpaka natua, popisí in ki amámu ki Daud, Diábí aidan-Ku intua kon dodai in iko mobiagpa. Kon tungkuḷ in ki adímu ḷoḷaki in momarenta, baintua bo aidan-Ku intua.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

AMSAL 20:19

Intau inta moibo-ibog mongonguman kon intau ibanea, diábí motaau motagú kon rahasia; dika moyobayat in intau inta moantó in ouman.

AMSAL 29:5

Ki ine in moduí kon tumpaḷa intau, in motaanbí kon potait kon inia.

OMBAḶ 4:17

Moḷopídon in mata nami in moindoi, mogoḷat mako kon totuḷung inta diá doman moiango-angoi. Kami in moharap mako kon totuḷung in bangusa tobatú, inta sabanarnea in diábí mokoogoi kon onu bo onu.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

ULANGAN 28:65

Kon sigad in bangusa mita tatua moiko in diábí mokouḻí kon kobiagan mopia, bo diábí in tampat inta motaau tangoion monimu kapunyaanmu; Baḻíon i Tuhan in moiko totok in moondok bo koinggamáan in rigon in gina takin diá in andoḷan.

TESALONIKA 1 2:5

Kinotaauan bidon monimu kon diábí dodai onda in kami tongá mopia kon ouman andeka monombodok kon i monimu, sin mobuni kon makusud inta tongá motayak kon kauntungan tontaní. Ki Allahbí in nonotaau kon tua komintan!