AYUB 17:15 - Alkitab Singog In Mongondow Masa In Tanaa

¹⁵ Kon onda in kamang kon inakó; ki ine in mokoontong kon oyúon in kobobiag mopia kon inakó?

AYUB 17:15 ပူးပေါင်းရင်းမြစ်များ

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

AYUB 14:19

Batu mita in iiton in tubig inta motorú in koiḻignea; butá in iḻigon in uyan inta morogot. Natuata in pororimumud-Mu kon kamang in intau.

AYUB 19:10

Sia in nondangat kon inakó nongkon bayongan tampat, naonda bo intau norabut kon uakat in pinomuḷa, bo pinomayánea mako natua bo noḷaḷow, natuata in pinogogamá-Nea kon bayongan in kamangku.

AYUB 4:6

Iko nion in intau inta motoindudui kon i Allah; kobobiagmu in diábí in moraat? Aka natua, dá patusbí in iko moyakin bo diá kobuḻian in kamang.

AYUB 6:11

Onubí in ropotku nodapot in akuoi tantúpa oyúon? Onu in kamangku kon mobiagpa moonggot?

AYUB 7:6

Kobiaganku inta diádon in kamang ḻimikat in mopobayá in imbuitnea, noiḻiu kon ḻikat in intau mogogaboḷ moburow kon gogaboḷannea.

YESAYA 38:10

“Gumanku, bagu notombotak in umur akuoi in mustidon mayá, monimpod kon ki agat in kobiaganku kon dunia in intau minatoi.

OMBAḶ 3:18

Diádon in kinotonsimboróanku, noinggamádon in kamangku kon i Tuhan.

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.