AYUB 16:20 - Alkitab Singog In Mongondow Masa In Tanaa

²⁰ Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 16:20 ပူးပေါင်းရင်းမြစ်များ

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

AYUB 16:16

Pogotku inumura sin nongombaḷ, kokiap in mataku nobobagá bo inumuḷow.

AYUB 16:21

Ah, igumon mako ki Allah tontaní in moduḷu kon inakó kon tayowon-Nea, naonda bo intau inta totu-totuu motuḷung kon yobayatnea.

AYUB 16:4

Aka kuma bo moiko nion in akuoi, bo akuoi in moiko, dá motaaubí doman in akuoi mosingog ná tatua. Yagi-yagidon in singogonku; totokbí in momombiḻing akuoi.

AYUB 16:7

Ki Allah, nopobaḻí kon inakó moyoyiga; bayongan in motoḷuadíku iyopú.

AYUB 17:2

Tososingkuḻe mako in intau in akuoi; inontongku in mosia moguman kon singog posigid.

AYUB 17:7

Mataku in mobuḷoḷow sin mororiga in ginaku; bayongan in awakku rumutuk in momikir.

AYUB 19:13

Ginaḷum bo utatku pinoyayú-Nea kon inakó; akuoi in naonda bo intau ango-angoi kon bayongan in intau inta nogogintaauanku.

AYUB 23:3

Ah, igumon mako in kotaauanku in tampat-Nea, sinbá motaau in akuoi mayá bo moyodungkuḷ-Nea.

MAZMUR 109:4

Mosia in moponapud kon inakó, umpakabí akuoi motabi kon i monia, bo ain sinambayanganku in mosia.

MAZMUR 142:2

Noḷangon in kuaniku kon i Tuhan, notorú in singogku in nokituḷung kon i-Nia.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.