AYUB 16:15 - Alkitab Singog In Mongondow Masa In Tanaa

¹⁵ Akuoi in nogiḷambung in kinopatoian nobaḻí tomponuot kon morobonoḷ in dodob, bo iḻimitú kon tudu in ḷobud sin sinaḷow.

AYUB 16:15 ပူးပေါင်းရင်းမြစ်များ

KINOBAḺIAN 37:34

Ki Yakub nomerak kon pakeangnea sin norobonoḷ totok in ginanea bo sia in nogiḷambung norondí. Pomuḷoi in singgai sia in mogamuimai mongombaḷ sin kinopatoian i adínea tatua.

DATU MITA IMITÁNEA 21:27

Naonda in ki Elia nopaḷut nosingog, ki Ahab nomerak kon ḷambungnea bo nomaké in sosapi nobaḻí tomponuot kon nomanasaḷ, bodongka nopuasa. Kon mosiugkabí in sia yo momakébí doman in sia in sosapi, bo aka mayá, pogotnea in umurandon molamurú.

AYUB 19:9

Inagow-Nea komintan in bayongan kapunyaanku, bo tangoiku mopia in pinoguyaat-Nea.

AYUB 30:19

Akuoi in pinogambat-Nea kon bonu in yoná, akuoi in naonda bo yoyatan!

MAZMUR 69:11

Nongombaḷ in akuoi bo nopuasa, táe mosia in noningkuḻe kon inakó.

MAZMUR 75:10

Táe akuoi in umuranbí mopotaau in Allah i Yakub, mopodondong in dodayow kon i-Nia.

MAZMUR 75:5

Kon intau inta moambungangaḷ, akuoi in moguman sinbá dikadon mongambungangaḷ bui.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

OMBAḶ 3:29

Biódon mako kita in tumonsiup bo tumamad sin dika-dika bo oyúonpabí in kamang.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”