AYUB 15:25 - Alkitab Singog In Mongondow Masa In Tanaa

²⁵ Natuata in nasib in intau inta monayow kon i Allah, bo inta mokobaḻí moḷawang kon i Inta Totok in Mokawasa.

AYUB 15:25 ပူးပေါင်းရင်းမြစ်များ

AYUB 15:13

Iko in sinumorú kon i Allah bo nomayow kon i-Nia.

AYUB 15:24

Bodito naonda bo datu inta motorindog, ain nosadia modomok kon inia.

AYUB 15:26

Takin dinumodia in sia nonubu bo noḷawang kon i Allah; sinonggónea in kaḻeawnea, doíbí in sia taḷowon.

AYUB 36:9

dá dosa bo kaḷakuang monia in poniatadon i Allah.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 73:11

Guman monia, “Diábí kinotaauan i Allah, Ki Inta Totok in moḷantud diábí nomangaḻe.”

MAZMUR 73:9

Mosia in mohojat kon i Allah kon soroga, bo mongambungangaḷ kon intau mita kon dunia,

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YEREMIA 36:29

Ki Tuhan in nopotabá kon inakó moguman nanaa kon i datu, “Iko in notubádon kon ḻitodan in buk tatua, bo iko in noḻibó kon i Yeremia nongonu sin sia in nomaisbí kon ki datu in Babel in mamangoi bo morimumud kon butá tanaa poḷat moḻimod kon intau inta nogutun kon naa takin bobiagonnea mita.

YEREMIA 48:26

Ki Tuhan in noguman, “Popoḷoḷangudon in Moab, sin dinumodia in sia kon i-Nakó. Sia in monangkuḻitodbí kon totukanea, bo kinosingan in intau.

YEREMIA 50:24

Ki Tuhan in noguman, “Babel, sinayowanmu in Akuoi, tuamai iko in noibaaḷ kon potait inta sinaan-Ku kon inimu, táe diábí kinomangaḻeanmu intua.

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

IMAMAT 26:23

Aka naonda in mokouḻí mako kon hukuman tatua bo moiko in doípa doman mokidongog kon i-Nakó, táe umuranpa doman momaḷawang kon i-Nakó,

MALEAKHI 3:13

Ki Tuhan in noguman, “Tosingogonmu mita in totuubí kon mopoompámai kon i-Nakó.” “Táe moiko in moguman, ‘Onu degá in siningog nami kon ini-Mu?’

OUMAN IN RASUL MITA 12:1

Kon wakutu intua ki Datu Herodes nomangkoidon momogutú kon bayongan jamaat.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

OUMAN IN RASUL MITA 9:5

Dá ki Saulus in noḻibó, “Ki ine in Iko Tuang?” Dá kain tubag in singog tatua, “Akuoi naa in ki Yesus inta pinogutúmu tua.

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.