AYUB 14:4 - Alkitab Singog In Mongondow Masa In Tanaa

⁴ Motaau degá in intau baradosa mokopoangoi kon inta motompod?

AYUB 14:4 ပူးပေါင်းရင်းမြစ်များ

KINOBAḺIAN 5:3

Naonda in ki Adam umurdon mogatut bo toḷu nopuḷú notaong, nokouḻídon in sia kon adí ḷoḷaki inta notombatangannea, bo sinangoiannea ki Set.

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

MAZMUR 90:5

Iḷomot-Mu in kami; kami naa in naonda bo togoindop, naonda bo bonok inta nonokat;

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.