AYUB 13:14 - Alkitab Singog In Mongondow Masa In Tanaa

¹⁴ Akuoi mobaranibí in mopotaru in kobiagan!

AYUB 13:14 ပူးပေါင်းရင်းမြစ်များ

AYUB 18:4

Torúmu in tongábí mokotakit kon awakmu. Musti degá tongá popisí in iko dunia naa kobuḻian in intaunea, bo buḷud mita in pampingon nongkon kinoukatannea?

MAZMUR 119:109

Akuoi in umuranbí moposarakan in kobiaganku, táe akuoi diábí mokoḻiong kon hukum-Mu.

MOHOHUTUBA 4:5

Táe, tongábí intau bodok in ḻimitú mako mokoyot kon ḻima bo mopomayá mako matoi in gogoy.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 9:20

Intau in Manasye bo intau in Epraim mositubuan, bo moyotakin monayow kon Yohuda. Táe ki Tuhan in sinumorúpabí bo umuran mohukum.

HAKIM MITA 12:3

Dá naonda in kinotaauanku kon moiko in diábí mamangoi motuḷung kon inakó, nomakisadon in akuoi minayá nomarang kon intau mita in Amon tatua, umpakabí akuoi matoi. Bo ki Tuhan nopountung kon inakó nongkon i monia. Yo nongonu sin tanaa moiko in mamangoibí monubu kon inakó?”

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”

SAMUEL 1 28:21

Doduataan tatua in dinimiug kon i Saul bo inontongnea kon totokdon in sia notoboḻingo: tuamai in bobay tatua noguman kon inia, “Tuangku, bobantung naa in nopotarudon in nyawa sin mogaid kon onu inta ain pinoigum i Tuang.