AYUB 12:23 - Alkitab Singog In Mongondow Masa In Tanaa

²³ Bangusa mita binaḻí-Nea nodugang bo nobiag notompia, bo pinutúan-Nea in mosia dapot in norimumud.

AYUB 12:23 ပူးပေါင်းရင်းမြစ်များ

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 107:39

Táe mosia in sinaḷow bo dongkadon topiḻik popisí in roriga bo pinondorotan inta noḻingá.

IḶUAIAN 1:20

Dá ki Allah nomarakat kon mototuḷung kon ponononggadían mita tua bo nobogoi in buí kon i monia, sin mosia in mohoromat kon i Allah. Bo intau Israel nodugangdon totok in kobarong monia bo moropot doman.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YESAYA 60:22

Nodapot in motoḷuadí inta mointok bo moyangkó in mobaḻíbí bangusa inta moḷoben bo moropot. Akuoi ki Tuhan in ḷagi bidon mopoaid, kon wakutu inta moitongkaná.”

YESAYA 9:3

Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

YEREMIA 30:19

Intau inta nogutun kon tua in modayowbí kon i-Nakó pongin dondong, bo monggoḷokap takin ḷunganga in gina. Baḻíon-Ku in mosia horomaton bo diádon singkuḻeon, bo kobayong monia in tantúdon modugang.

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

ZAKHARIA 10:8

Umat-Ku in oiníon-Ku bo sipunon-Ku tobatúon. Mosia in poḷuaton-Ku bo baḻíon-Ku mobayong ná dungkuḷmai.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.