AYUB 12:22 - Alkitab Singog In Mongondow Masa In Tanaa

²² Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

AYUB 12:22 ပူးပေါင်းရင်းမြစ်များ

DATU MITA 2 6:12

Tobatú kon sigad in itoi mita in tontara tatua in notubag, “Diábí in tobatúmai, Tuang Datu. Ki Nabi Elisabí tua in nokopopisí tatua! Siabí in nopotaau kon i datu in Israel onu inta siningog i Tuang Datu, umpakabí siningog intua kon bonu in gopot.”

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 24:17

Aka kon inia, doḷo-doḷom tua in totokbí in mokoondok, táe doḷom inta sindip totok, in mokosanangbí.”

AYUB 3:5

Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

AYUB 34:22

Diábí in sindip, umpakabí mopungit totok, in mokobuni kon intau baradosa.

MAZMUR 139:11

Aka poigumonku sinbá sindip moikoḷubung kon inakó, bo bayag kon diugkumai mobaḻí modoḷom,

MAZMUR 139:12

yo doḷom tatua in diábí mokosindip kon ini-Mu; doḷom tatua in mobayag naonda bo singgai, bo sindip tatua in naonda bo bayag.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

MATIUS 10:26

“Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

KORINTUS 1 2:10

Táe komintan bidon pinotaau i Allah kon i naton pinotonsigad kon Roho-Nea. Bo Roho tatua doman in moindoi kon bayongan in yagi-yagi nodapot in tomayá mita i Allah inta nongoibuni.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.