AYUB 11:20 - Alkitab Singog In Mongondow Masa In Tanaa

²⁰ Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

AYUB 11:20 ပူးပေါင်းရင်းမြစ်များ

AYUB 12:1

Ki Ayub in notubag, “Totuubí, moiko nion in nobaḻí oḻit in intau. Aka moiko matoi, yo hikmat in matoibí doman.

AYUB 17:5

Podudui in singog tango-tangoion, ki ine in mopongadu kon yobayat popisí in motayak kon kauntungan, ki adínea mita tontaní in motarima kon tontuḻí.

AYUB 18:14

Sia in inagow nongkon ḷoḷaigannea tampatnea inta moaman, bo pinogambat sin mayá tumayow kon popatoi.

AYUB 27:22

Sia in dinangatan takin diá in tabi, bo nopakisa notayak kon pogadopan.

AYUB 27:8

Oyúon degá in kamang kon intau binaradosa kon dodai in ki Allah monuntut kon dimukudnea?

AYUB 3:21

Poḷoḷobonganbí in koibo-ibog monia nongkon kapunyaan, mogoḷat kon popatoi táe diápa doman moiango-angoi.

AYUB 3:22

Kobiagan mopia bain korasaan aka mosia in matoi bo ḷobongondon.

AYUB 31:16

Diápa kon dodai in onda in akuoi in doí notuḷung kon intau inta mokotabi, andeka nopomayá mako kon boba-bobay mita nobiag kinobuḻian in kamang.

AYUB 34:22

Diábí in sindip, umpakabí mopungit totok, in mokobuni kon intau baradosa.

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

AMSAL 10:24

Intau inta motuḻid in gina mokouḻí kon onu inta sinayaknea; intau moraat mokouḻí kon onu inta totok in kinoondoknea.

AMSAL 10:28

Kamang in intau mopia mokopobaḻí kon inia mosanang; kamang in intau moraat diá in batainea.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

YEREMIA 25:35

Moiko in notantú bidon kon diá mokoḷagui.

OMBAḶ 4:17

Moḷopídon in mata nami in moindoi, mogoḷat mako kon totuḷung inta diá doman moiango-angoi. Kami in moharap mako kon totuḷung in bangusa tobatú, inta sabanarnea in diábí mokoogoi kon onu bo onu.

IMAMAT 26:16

yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

ULANGAN 28:65

Kon sigad in bangusa mita tatua moiko in diábí mokouḻí kon kobiagan mopia, bo diábí in tampat inta motaau tangoion monimu kapunyaanmu; Baḻíon i Tuhan in moiko totok in moondok bo koinggamáan in rigon in gina takin diá in andoḷan.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.