AYUB 11:14 - Alkitab Singog In Mongondow Masa In Tanaa

¹⁴ Inggamáaidon in dosa nongkon ginamu bo poyayúdon inta moraat nongkon baḷoimu!

AYUB 11:14 ပူးပေါင်းရင်းမြစ်များ

KINOBAḺIAN 4:7

Aka iko mogaid kon inta mopia, yo pasti pogotmu in diábí morongut mako; táe aka iko mogaid kon inta moraat, dá dosa in dongka mogoḷat mako sin tumuot kon ginamu. Dosa in moibog mongawasa kon inimu, táe musti ḷawangonmu in sia.”

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

AYUB 22:5

táe popisíbí in nobayong totok in dosamu, bo totuu moraat in aid bo dodiamu.

AYUB 34:32

Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

AYUB 4:7

Pikirdon, nokoimontandon degá in intau inta diá kotaḷá in kinotugatan in bodito bo roriga?

AYUB 8:6

aka ginamu mojujur, diá in noitaḷá, ki Allah in ḷagibí motuḷung kon inimu, bo mobaḻí tontuḻínea, tonibuḷoimu in buidon tompiaan.

MAZMUR 101:2

Akuoi in monaridi kon kobobiag inta diá in bogit. Moibog degá in Iko mamangoi kon inakó? Akuoi in moibog mobiag motusi kon baḷoiku,

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”