AYUB 10:9 - Alkitab Singog In Mongondow Masa In Tanaa

⁹ Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 10:9 ပူးပေါင်းရင်းမြစ်များ

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

AYUB 10:10

Inogoi-Mu in ki amáku nomia kon inakó bo binaḻí-Mu in akuoi noḷoben kon bonu in bobuḷadían i ináku.

AYUB 17:14

Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

AYUB 33:6

Sin kon i Allah, iko bo akuoi in diábí in yoposinea nongkon butá ḷamentong pinomia-Nea in kitada.

AYUB 34:15

dá matoidon in bayongan mahaḷuk inta nobiag, bo intau in mobaḻí ḷobud ná inta dungkuḷ.

AYUB 4:19

Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

AYUB 7:7

Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

MAZMUR 103:14

Sin kinotaauan i Tuhan kon kita naa in pinomia nongkon onu, kinotoropan-Nea kon kita naa in tongábí ḷobud.

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

MAZMUR 25:18

Tondudutdon in roriga bo susahku, bo ampungaidon kaasí in bayongan in dosaku.

MAZMUR 78:39

Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YEREMIA 18:6

“Ei umat-Ku, umpaka dá diá in Akuoi mokoaid kon inimu ná inta inaidan in mogogaid kon kuyon tatua takin butá ḷamentongnea? Naonda bo butá ḷamentong kon ḻima in mogogaid kon kuyon, natua doman moiko in kon bonu in kawasa-Ku.

SURAT I PAULUS KON JAMAAT RUM 9:21

Intau inta mogogaid kon pot tatua oyúonbí in haknea momia kon butá ḷamentong podudui in ibognea tontaní? Nongkon ḷamentong tobonsig motaauneabí pomiaan pot doyowa; tobatú in pomiaannea kopiraan, bo tobatú doman in pomiaannea diá totok kopiraan.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.