AYUB 10:7 - Alkitab Singog In Mongondow Masa In Tanaa

⁷ Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 10:7 ပူးပေါင်းရင်းမြစ်များ

AYUB 10:15

Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

AYUB 11:4

Podudui in raianmu tosingogonmu mita tatua in diábí noitaḷá; aka kon raianmu iko in nodaritbí kon tayowon i Allah.

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 23:11

Akuoi in motoinduduibí kon i-Nia takin satia; diábí kon dodai in onda in akuoi in sinumabat nongkon daḷan inta sinantú-Nea.

AYUB 27:22

Sia in dinangatan takin diá in tabi, bo nopakisa notayak kon pogadopan.

AYUB 31:14

Aka diá, yo naonda aka akuoi mayá kon i Allahku? Onu in potubagku kon dodai in Sia mamangoi mohakim kon inakó?

AYUB 31:35

Diá degá in intau in moibog mokidongog kon tosingogonku mita? Mongibot in akuoi kon totuubí intua komintan. Igumon mako ki Inta Totok in mokawasa in motubag kon inakó. Aka kuma bo onu inta pinonapud in musung kon inakó pinais komintan dá koontonganku,

AYUB 31:6

Biódon mako in pononimbangan i Allah kon inakó kon tudu in pososimbangan inta mopia, dá kotaauan-Neadon kon akuoi in diá kotaḷá.

AYUB 32:1

Popisí in ki Ayub in noyakin totok kon sia in diábí kotaḷá, dá totakinnea taya toḷu tua in doídon notubag kon inia bui.

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

AYUB 42:7

Naonda in nopaḷut mako nosingog kon i Ayub, nogumandon in ki Tuhan kon i Elipas, “Tumorú in Akuoi kon inimu bo kon yobayatmu taya dua, sin diá inouman monimu totu-totuu ki ine in Akuoi. Táe mogogundoi-Ku ki Ayub in diábí natua.

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

AYUB 9:21

Akuoi in diábí kotaḷá, táe diábí pandungonku. Mobúdon in akuoi in mobiag. Aka kon inakó yo diádon in moponting; inta kotaḷá bo inta mobanar, notongkaibí in kobiagannea: Tumpaḷabí yopúon i Allah in taya dua.

MAZMUR 1:6

Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 7:3

Dika pomayá mako in mosia naonda bo singa modomok bo mopomorot kon inakó bo diá in motuḷung kon inakó.

YESAYA 43:13

modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!