AYUB 10:17 - Alkitab Singog In Mongondow Masa In Tanaa

¹⁷ Umuran poangoi-Mu in sakusi moḷawang kon inakó; bo modugangdon moḷoben in torú-Mu kon inakó. Potabá-Mu in tontara mita mobagu sin monubu bo momarang kon inakó.

AYUB 10:17 ပူးပေါင်းရင်းမြစ်များ

AYUB 13:24

Nongonu sin simíbí in Iko bo momarut kon inakó? Nongonu sin inanggap-Mubí in akuoi musung-Mu?

AYUB 16:8

Sia in noḷawang bo nodomok kon inakó. Tanaa in morutukdon totok in awakku, bo kain intau moantó tua in pinoniataan kon akuoi ain binaradosa.

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

MAZMUR 55:19

Sia in noposaḷamat kon inakó nongkon musung, inta moyoḻipu-ḻipung moḷawang kon inakó.

YEREMIA 48:11

Ki Tuhan in noguman, “Nongkon koḻipodpabímai Moab in nobiag noaman. Diápabí kon dodai in onda in sia inakut pinobayá in pinoḷumbúan. Sia in naonda bo tubig in anggur inta pinomayá mako in sinumonop bo diá dodai in onda in binonu kon tampat in anggur ibanea. Anggurnea in norongingipa bo mopia.

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.

RUT 1:21

Kon dodai in akuoi nobuat nongkon naa yagi-yagi in oyúonpabí kon inakó, táe naa in ki Tuhan in nodiadon mangoi in naa kon inakó takin diádon koonu bo onu. Tuamai in dikadon moiko monangoi kon inakó ki Naomi, sin ki Tuhan Inta Totok in Mokawasa ain nohukum kon inakó takin roriga mobarong!”