AMSAL 4:2 - Alkitab Singog In Mongondow Masa In Tanaa

² Onu inta sinundúku naa kon inimu in mopiabí, tuamai in dikapa in iko moguman kon tua in diá in baraguna.

AMSAL 4:2 ပူးပေါင်းရင်းမြစ်များ

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 7:19

Táe aka iko bo rayatmu in ḻimimpat kon hukum mita bo parenta-Ku mita bo poḷat mosumba kon ilah mita ibanea,

AYUB 11:4

Podudui in raianmu tosingogonmu mita tatua in diábí noitaḷá; aka kon raianmu iko in nodaritbí kon tayowon i Allah.

AYUB 33:3

Motuḻidbí in ginaku in mosingog; onu in pogumanku tua in sabanarnea.

MAZMUR 119:87

Gogió bo kinoḻimodandon monia in akuoi, táe diábí sinaḷáankumai in parenta-Mu.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

YEREMIA 35:8

Bayongan inta pinarenta i Yonadab kon inami ain sinokoduduian nami. Kinoouput in kobiagan, kami bo adí buḷoi nami in diábí nonginum kon anggur.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

TITUS 1:9

Sia in musti umuran kumadai moropot kon totundú inta mobanar, ná inta ain sinundú kon inia. Takin natua in sia motaau mononggina kon intau podudui kon totundú inta nobanar, bo mopoontong kon onu inta noitaḷá kon intau mita inta moḷawang kon inia.