AMSAL 3:9 - Alkitab Singog In Mongondow Masa In Tanaa

⁹ Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

AMSAL 3:9 ပူးပေါင်းရင်းမြစ်များ

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

TAWARIKH 2 31:10

Imang Moḷoben ki Azarya buí i Zadok in noguman, “Pinangkoipamai kon rayat nogatod kon sosumba mita monia kon Baḷoi Tuhan, kami in diá bidon kinodaitan in kaanon, nodapotbí in noiḻiudon, dá nobayongpa in tongkaaḷ in kaanon nami. Tua komintan in sinarimadon nami sin ki Tuhan in nomarakatdon kon umat-Nea.”

TAWARIKH 2 31:21

Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

MAZMUR 144:13

Igumon mako in ontag mita naton mopuḻing in bayongan bungai in boyó. Igumon mako in domba mita kon rawang mita naton mogadí modapot in puḷúan in ribu in kobayongnea.

IḶUAIAN 22:29

Kon wakutu inta ain sinantú, pobogoibí in sosumba kon i-Nakó inta nongkon boyó in gandummu, ande in anggurmu bo ḷana in zaitunmu. Posarakaidon kon i-Nakó in ki adí monimu mita ḷoḷaki inta guya-guyang,

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IḶUAIAN 23:19

Pomuḷoi in taong moiko in musti modia mangoi kon baḷoi i Tuhan Allahmu in gandum inta muna-munamai iratab monimu. Tapú in adí in domba ande tapú in adí in bembé diábí motaau poyodungúon takin tubig in teté i inánea.”

IḶUAIAN 34:26

Pomuḷoi in taong moiko musti modia mayá kon Baḷoi i Tuhan Allahmu in bungai in boyómu inta ḷontú nongkon butámu. Tapú in ki adí in domba ande ki adí in bembé diábí motaau dungúon poyotakinon tubig in teté i inánea.”

AMSAL 11:25

Intau inta mokakit mobogoi in umuranbí mobarong in kaoyúonannea, intau inta moibog motuḷung in tuḷunganbí doman.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

YESAYA 43:23

Iko in diábí nodia kon domba sin ogoi mobaḻí kuruban payongonmu, diá nohoromat kon i-Nakó takin nobogoi in sosumbamu. Bokaka Akuoi in diábí nopororigamai kon inimu pinongin kuruban, andeka nopororigamai kon inimu pinongin noigum kon kamania.

IMAMAT 19:25

Bain kon taong noginḻima bo motaaudon moiko mokaan kon bungainea. Aka duduian monimu in bayongan atorang tatua, yo bayongan pangkoi in ayopmu modugangdon modatog in bungainea. Akuoi in ki Tuhan Allahmu.

PINOGIAPAN 15:20

Aka moiko motubá kon roti inta pomiaan nongkon gandum inta muna iratab, yo roti tatua musti poposumba mobaḻí kuruban inta sinondí kon i Tuhan. Moposumba intua in naonda bo moposumba in gandum dungkuḷ inta giniḻing monimu.

MATIUS 25:17

Ná doman tua in simpaḷ inta nokouḻí kon doyowa noribu, pinobaragunanea doman intua, sahingga in nokouḻí doman kon kauntungan doyowa noribu.

KORINTUS 1 16:2

Kon singgai dungkuḷ pomuḷoi in diminggu, moiko in munadon monondí kon doit inta posumbang tua podudui onu in mouḻí monimu tontaní. Tagú intua modapot in moiangoi in akuoi, sinbá diá bain mamangoi in akuoi bodongka mulai mosipun in moiko.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”