AMSAL 2:9 - Alkitab Singog In Mongondow Masa In Tanaa

⁹ Aka iko bo motoindudui kon inakó, adíku, yo kotaauanmubí onu in moadil, mojujur bo mopia. Kotaauanmu doman naonda in kobobiagmu.

AMSAL 2:9 ပူးပေါင်းရင်းမြစ်များ

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

MAZMUR 119:99

Komomangaḻeku in noiḻiu kon komomangaḻe in guruku mita, popisí in akuoi umuran monano-nanobmai kon parenta-Mu mita.

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

AMSAL 4:12

Aka iko mobiag natua, dá diábí in moitongkuḷabot kon inimu kon tungkuḷ in mayá, bo diábí moipintud kon dodai in moribatuk.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.