AMSAL 2:3 - Alkitab Singog In Mongondow Masa In Tanaa

³ Adíku, poḷongasi mokouḻí kon raian inta mopandoi bo poigum kon pomomangaḻe.

AMSAL 2:3 ပူးပေါင်းရင်းမြစ်များ

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

MAZMUR 119:125

Akuoi in mogogundoi-Mu, baḻídon in akuoi momangaḻe, sinbá komangaḻeanku in parenta-Mu.

MAZMUR 119:169

Igumon mako kuaniku modapot kon ini-Mu, o Tuhan, ogoiaidon in akuoi in pomomangaḻe, podudui in dandi-Mu.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:73

Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

AMSAL 2:2

Tondudut onda inta mobijaksana bo poḷongasi monotaau kon tua.

AMSAL 2:4

Tayak intua ná motayak kon buḷawan, bo batuk intua ná momatuk kon kapunyaan inta noibuni.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

AMSAL 4:1

Uḻe mongoadí mita, indongogaibí in tonggina i amámu! Tondudut intua, dá mobaḻí in iko moarip.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.