AMSAL 16:2 - Alkitab Singog In Mongondow Masa In Tanaa

² Bayongan aid in intau degá mopiabí in ontongonnea tontaní, táe ki Tuhanbí in noindoimai kon bonu in ginanea.

AMSAL 16:2 ပူးပေါင်းရင်းမြစ်များ

AMSAL 21:2

Bayongan aid in intau degá mopiabí in kon bonu in raiannea tontaní, táe ki Tuhanbí in moindoi kon makusud in ginanea.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

AMSAL 30:12

Oyúon in intau in tumangoi motusi in sia bokaka totokbí in moromú in sia.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

MAZMUR 36:2

Dosa in mosingog kon bonu in gina in intau moraat, sia in beresibí diá moondok kon i Allah.

AMSAL 5:21

Ki Tuhan in moindoibí kon bayongan yagi-yagi inta inaidan in intau. Kon ondaka in intau mayá umuranbí indoian mako i Tuhan.

AMSAL 16:25

Oyúon in daḷan koontongan in motuḻid, táe imbuitnea daḷan tatua modia mayá in popatoi.

DANIEL 5:27

sinimbang, ki Tuangku in sinimbangdon bo nouḻí magí diá mokoorop;

YESAYA 26:7

Intau inta motuḻid in gina in mongin daḷan inta motuḻid, sin Iko, Tuhan in nomontang kon daḷan bayáannea.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.

AMSAL 12:15

Intau dondunguḷ in diábí mokoimontanmai in monotaau kon sia in noitaḷá, táe intau mobijaksana moibog mokidongog kon tonggina.

PINOGIAPAN 22:32

Malaekat i Tuhan noḻibó, “Nongonu sin kotoḷu bidon binongkugmubí in keledaimu? Akuoi namangoi sin moḷamboi kon bayáanmu, sin aka kon i-Nakó, yo diábí mopia aka mayá in iko.

HAKIM MITA 7:6

Dá 300 in intau in noponayuk in ḻima monia kon tubig bo dinilá; bo ibanea mita in sinumungkud bo nonginum.

HAKIM MITA 17:6

Kon tungkuḷ intua Israel diádon in datu; batúan intau mogaid kon onu in irainea moitutui.

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.