AMSAL 11:3 - Alkitab Singog In Mongondow Masa In Tanaa

³ Intau mopia in kapiton in aidnea tontaní inta motuḻid; intau inta moibog monguboḷ in rimumudon in uboḷnea tontaní.

AMSAL 11:3 ပူးပေါင်းရင်းမြစ်များ

MAZMUR 25:21

Poigumon mako kopiaan bo kojojujur moḷukad kon inakó, sin akuoi in mongamang kon ini-Mu.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

AMSAL 11:5

Daḷan kobiagan in intau mopia in tondodaionbí in ginanea inta motuḻid, táe intau moraat in modiabí kon awaknea mayá in korimumudan.

AMSAL 13:6

Aid mojujur moḷukad kon intau inta mobiag motuḻid; aid moraat mokorimumud kon intau inta binaradosa.

AMSAL 19:3

Intau in moporugibímai kon awaknea tontaní popisí in bodoknea, onda intua mopotaḷá kon i Tuhan kon onu inta nobaḻí tatua.

AMSAL 2:22

Táe intau moraat bo binaradosa in pogambat kon ḷuai i Allah nongkon butá tatua, naonda bo bonok irabut nongkon butá.

AMSAL 21:7

Intau moraat in doíbí dumudui kon hukum; sia in mororigabí in romúnea tontaní.

AMSAL 22:12

Pongin mongokai kon uboḷ in intau inta motombogá, yo ḷukadan i Tuhan sinbá sinotaau inta mobanar in tantú koḷukadan.

AMSAL 28:18

Intau inta mobiag diá in bogit in mosaḷamatbí. Intau inta mopoḷandó, in moḷabúbí.

MOHOHUTUBA 7:17

Dika doman moiḻiu in raat andeka moiḻiu in bodok. Onubí in mangaḻe in matoi aka deemanpa wakutunea?

YESAYA 1:28

Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

PINOGIAPAN 31:8

noitakin domandon in datu in Midian taya ḻima, inta ki Ewi, ki Rekem, ki Zur, ki Hur bo ki Reba. Ki Bileam, adí i Beor, iḻimod doman.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.