AMSAL 10:3 - Alkitab Singog In Mongondow Masa In Tanaa

³ Ki Tuhan in diábí mopomayá mako in intau mopia in gogoyon; táe sia in moḷamboibí kon intau moraat sinbá diá in intau tatua mokouḻí kon onu inta kinoibognea.

AMSAL 10:3 ပူးပေါင်းရင်းမြစ်များ

AYUB 15:23

Ḷagapan mita mokokaan kon tapú mogoḷat kon wakutu in kopatoiannea, mosia in mokaan kon awaknea. Dá nosadardon in sia kon nodingungui in singgainea moiduduimai.

AYUB 20:28

Bayongan in kaoyúonannea in moinggamábí popisí in torú i Allah.

AYUB 5:20

Aka koantugan in malarat in kaanon, yo iko in diábí matoi in gogoy. Aka parang motoyangdon totok, yo iko in moiyayúbí kon popatoi.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 33:19

Sia in noposaḷamat kon i monia nongkon popatoi, bo nomiag kon i monia kon tungkuḷ in ginogoi.

MAZMUR 37:19

Kon tungkuḷ in mororiga, diábí moajar in mosia, kon dodai in malarat in kaanon yo mosia in diábí kodaitan.

MAZMUR 37:25

Pinangkoi kon noguodpa in akuoi nodapot in noguyangdon, diábí kon dodai in onda in inontongku intau mopia sinaḷáan i Tuhan, andeka ki adí bo ki ompunea in dongka kino igu-igumnea mako.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

AMSAL 28:25

Tongá morai kon kopontingan tontaní in mokopomukábí kon bobayowan; mountu-untungbí in iko aka mopirisaya kon i Tuhan.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

LUKAS 12:31

Tuamai aidaipa muna in onu inta kinoibog i Allah, bain tua bo mogaid kon kinoibogmu, dá onu inta igumonmu modaitbí ogoi-Nea kon inimu.”