AMSAL 10:2 - Alkitab Singog In Mongondow Masa In Tanaa2 Kaoyúonan inta nouḻí pinongin tombogá diábí mobogoi in kauntungan; táe, gina motuḻid in mokosaḷamat. အခန်းကိုကြည့်ပါ။ |
Buḷawan bo saḷaka in ḷumbúonbí monia kon daḷan naonda bo apat, sin kon singgai ki Tuhan mopoaid in torú-Nea, yo buḷawan bo saḷaka tua in diábí mokoposaḷamat kon i monia, nodapotbí in tongá mokopopisí kon i monia mogaid kon dosa. Diá bidon in mosia motaau mopomaké intua sin mopoorop kon ibog monia andeka pomonu monia kon sian.
Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.
bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.