AMSAL 1:6 - Alkitab Singog In Mongondow Masa In Tanaa

⁶ Pongin natua dá mosia in monotaaudon kon onu inta noibunipa kon bonu in tonggina bo monotaaudon kon tosingogon mita in intau mobijaksana bo onu mita inta pinoyaput monia.

AMSAL 1:6 ပူးပေါင်းရင်းမြစ်များ

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

MAZMUR 78:2

Akuoi in moibog mopoyaput in tangkí bo poumpamaan, bo moginsilang kon tangkí dungkuḷmai,

AMSAL 24:23

Intau inta moarip nokoimontandon in noguman nanaa: Hakim in diábí motaau in mobogat kon toḷosi.

MOHOHUTUBA 12:11

Tosingogon in intau moarip tua in naonda bo tungkud moruit in gombala tobatú, tungkud inta pinakénea poḷukad kon dombanea. Pinosipunan kon amsal bo tonggina, naonda bo pakú inta noikeket noropot. Tua komintan ki Allahbí doman in nobogoi, gombala naton totobatú tua.

DANIEL 8:23

Kon tungkuḷ in kopaḷutandon in dodatuan mita tatua, aka aid moraat moiḻiudon, dá moiangoidon in datu tobatú inta motogat in uḷu bo mopandoi monguboḷ.

PINOGIAPAN 12:8

Bo Akuoi in moyosingog takinnea moyogintayowan pogot, mositarangan bo deeman tongá mositangkían. Nodapot in pogot-Ku inontongneadon! Yo nongonu sin moiko in mokobaḻíbí in moḷawang kon i Musa, bobantung-Ku tua?”

MARKUS 4:11

Dá ki Yesus in noguman kon i monia nanaa, “Moiko inogoiandon in totabi monotaau kon onu inta noibuni soaḷ naonda in ki Allah momarenta saḷaku Datu. Táe kon intau mita inta kon ḷuai sinundú pinongin poumpamaan,

MARKUS 4:34

Ki Yesus umuran nomaké in poumpamaan aka motundú kon intau mita tatua. Táe aka kon murí-Nea mita, yo daiton-Neabí insilangan.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

PETRUS 2 3:16

Kon bayongan surat i Paulus tua mita umuranbí pinaisnea. Bo totuubí kon oyúon in tongonumai nohal kon suratnea mita in mororiga totok komangaḻean in bonunea tua. Bo inta mororiga totok komangaḻean tatua, sinokotuui in intau mita inta diá nonotaau kon onu bo onu bo inta diá noroton in pirisayanea. Soaḷ mita tatua in diá bidon mokoherang, sin bonupa in Buk Motusi ramujion doman monia pomiaan natua. Tongá oaid monia tatua in mokoboditobí doman kon i monia tontaní.