AMOS 9:8 - Alkitab Singog In Mongondow Masa In Tanaa

⁸ Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

AMOS 9:8 ပူးပေါင်းရင်းမြစ်များ

KINOBAḺIAN 6:7

dapot in Sia noguman, “Yopúon-Kudon in intau inta ain pinomia-Ku tua, bo takin doman bayongan in ḷagapan bo mahaḷuk mita ibanea, sin Akuoi in nomanasaḷdon ain nopomia kon i monia.”

KINOBAḺIAN 7:4

Pitupa nosinggai bo poonag-Ku in uyan inta diá motonta-tontá kon bonu in opat nopuḷú nosinggai bo opat nopuḷú nogobii, sinbá mahaḷuk nobiag inta ain pinomia-Ku tua in modait matoi.”

DATU MITA IMITÁNEA 13:34

Oaidnea inta moraat tatua nokopopisídon kon buínea in nobodito bo noyopú komintan.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

AMSAL 5:21

Ki Tuhan in moindoibí kon bayongan yagi-yagi inta inaidan in intau. Kon ondaka in intau mayá umuranbí indoian mako i Tuhan.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 44:27

Ḷongasion-Kubí sinbá mobodito in moiko bo diá mosanang, modapot in moiko matoi komintan, pinomayá matoi in parang andeka popisí in yampoi in takit.

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

HOSEA 1:6

Onda intua ki buḷoiku tatua nopononggadí bui in adí nami nogindua, adí bobay. Ki Tuhan in noguman kon inakó, “Hosea, tangoiai in ki adímu tatua ‘Inta diá Kinotabi’, sin Akuoi in diá bidon motabi bui kon bangusa in Israel, bo totokbí in diá mongampung kon i monia.

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

AMOS 3:12

Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

AMOS 9:10

Intau mita binaradosa kon sigad in umat-Ku in mogumanbí, ‘Ki Allah in diábí mopomayá mako kon i naton koantugan in bodito.’ Táe, totuubí kon mosia tua in ḻimodonbí kon poparangan.”

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.