AMOS 9:7 - Alkitab Singog In Mongondow Masa In Tanaa

⁷ Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

AMOS 9:7 ပူးပေါင်းရင်းမြစ်များ

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

TAWARIKH 2 14:12

Bo ki Asa takin tontara in Yohuda minayá nonubu kon tontara in Sudan. Ki Tuhan nonaḷow kon tontara in Sudan dá noḷaguidon in mosia.

TAWARIKH 2 14:9

Kon singgai tobatú intau in Sudan inta ki Zerah in tangoinea nonubu kon Yohuda takin tontaranea inta 1.000.000 bo 300 in kereta in parang. Mosia in minayá nodapot in Maresa.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

YESAYA 20:4

Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

YESAYA 22:6

Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

HOSEA 12:13

Ki Yakub mogoguyang naton noḷagui minayá in Mesopotamia, bo bá mokouḻí kon buḷoi, sia in nogaid saḷaku ata kon intau kon tua bo noḷukad kon domba mita in intau tatua.

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

ULANGAN 2:23

Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)