AMOS 9:4 - Alkitab Singog In Mongondow Masa In Tanaa

⁴ Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

AMOS 9:4 ပူးပေါင်းရင်းမြစ်များ

KINOBAḺIAN 44:21

Ki Tuangku ain nopotabá kon inami modia mangoi kon naa, sinbá ontongondon i Tuang in sia,

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

MAZMUR 34:17

Táe intau inta mogaid kon moraat in doíon-Nea; aka matoi in mosia yo baḷú koḻiongan.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 21:10

Akuoi in nonantúdon kon morimumud kon kotá tanaa, bo diábí motabi kon inia. Kotá tanaa in ogoibí kon i datu in Babel; turubonneabí modapot in mopayong komintan. Akuoi, ki Tuhan, ain nosingog.”

YEREMIA 24:6

Akuoi in moḷukadbí kon i monia bo modia kon i monia mobui mangoi kon butá tanaa. Akuoi in moposindogbí bui, deemanbí morumbun kon i monia; Akuoi in momuḷabí, deemanbí morabut kon i monia.

YEREMIA 39:12

“Bayádon tayak in ki Yeremia, bo ḷukadai kopiaan in sia. Dika onuon monimu in sia; duduiai onu in poigumonnea.”

YEREMIA 39:16

moguman kon i Ebed-Melekh intau in Sudan tatua kon ki Tuhan Inta Totok in mokawasa, ki Allah in Israel, in noguman nanaa, “Ná inta pinoguman-Ku koḻipod, Akuoi in mopoangoibí in bodito kon kotá tanaa, bo deemanbí kobiagan motompia. Iko in mokoontongbí kon kobaḻían intua.

YEREMIA 44:11

Tuamai, Akuoi, ki Tuhan Inta Totok in mokawasa, Allah in Israel, moḷawangbí kon i monimu bo morimumud kon sinangkub in Yohuda.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

ZAKHARIA 8:10

Kon dodai in deemanpa oras tatua diábí mokotondan kon tonaga in intau andeka mahaḷuk, bo diábí in mokorasa kon moaman nongkon indoyó in musung. Pinoropatoi-Kudon in intau tobatú takin intau ibanea.