AMOS 9:14 - Alkitab Singog In Mongondow Masa In Tanaa

¹⁴ Baḻíon-Kubí in umat-Ku Israel mobiag motomoman bui. Mosia in buibí moposindog in kotá mita monia inta ain noumpag, bo mogutundon in mosia kon tua. Mosia in buibí momuḷa kon gobá mita in anggur, bo monginum kon anggurnea. Mosia in monompinomuḷa, bo mokaan kon bungai in boyónea.

AMOS 9:14 ပူးပေါင်းရင်းမြစ်များ

MAZMUR 107:37

Mosia in nogambor kon gobá mita bo nomuḷa kon pangkoi in anggur, bodongka mosipun kon bungai in boyónea inta mobayong.

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

YESAYA 60:4

Indoiaika onu in nobaḻí kon ḻibumumai; rayat noyosipun sin mobui kon inimu. Ki adímu mita ḷoḷaki in mamangoi nongkon moyayú, ki adímu mita bobay in koyotan.

YESAYA 61:4

Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

YESAYA 65:21

Intau in moposindogbí in baḷoi bo mogutun kon tua tontaní; intau ibanea in diábí mogutun kon tua. Mosia in momuḷabí kon gobá in anggur bo monginum kon tubig in anggurnea; intau ibanea in diábí monginum kon tua. Umat-Ku in moumurbí in kobiagannea naonda bo pangkoi in kayu, bo mokaan kon bungai in ḷopí monia.

YEREMIA 12:15

Táe naonda in mopoḷuai mako kon i monia, Akuoi in buibí monotabi kon i monia; batúan in bangusa in diaan-Kubí bui mayá in butánea tontaní.

YEREMIA 16:15

táe podoyon bidon kon i-Nakó, Allah inta nobiag, inta nodia kon umat in Israel iḻumuai nongkon butá tobatú kon utuan bo nongkon bayongan in butá ibanea inta pinoporaritan-Ku kon i monia. Mosia in diaan-Kubí mobui kon butá monia, butá inta ain inogoi-Ku kon mogoguyang monia.”

YEREMIA 23:8

táe podoyon kon i-Nakó, Allah inta nobiag, inta nodia kon umat in Israel iḻumuai nongkon butá tobatú kon dotá in utuan, bo nongkon bayongan in butá ibanea kon tampat inta ain pinoporaritan-Ku. Mosia in mogutundon kon butánea tontaní.”

YEREMIA 24:6

Akuoi in moḷukadbí kon i monia bo modia kon i monia mobui mangoi kon butá tanaa. Akuoi in moposindogbí bui, deemanbí morumbun kon i monia; Akuoi in momuḷabí, deemanbí morabut kon i monia.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

YEREMIA 30:3

Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YEREMIA 31:23

Ki Tuhan Inta Totok in mokawasa, Allah in Israel in noguman, “Aka umat-Ku binaḻí-Kudon ponango-nangoian ná dungkuḷmai, dá kon butá in Yohuda bo kon ḻipúnea mita yo kodongogandon bui intau in moguman, ‘Igumon mako ki Tuhan in momarakat kon tombuḷud motusi kon Yerusalem tampat pogutunan inta ain sinantú kon i-Nia.’

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEREMIA 31:5

Moiko in mobukabí kon gobá in anggur kon buḷud in Samaria, bo ki inta nomuḷa in mosipúbí doman kon bungainea.

YEREMIA 32:15

Ki Tuhan Inta Totok in mokawasa, ki Allah in Israel, in noguman kon baḷoi, butá, bo gobá in anggur in kon singgai moiduduimai in potaḷuibí bui kon butá tanaa.”

YEREMIA 32:37

Akuoi in mosipunbí kon bangusa tanaa nongkon bayongan butá tampat pinoporaritan-Ku kon i monia popisí in torú-Ku bo rogi-Ku kon i monia. Mosia in diaan-Kubí bui kon tampat tanaa bo ogoi-Kudon mogutun kon naa takin moaman.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

YEREMIA 33:7

Yohuda bo Israel in baḻíon-Ku ponango-nangoian ná dungkuḷmai bo mosia in simindogbí bui mobaḻí umat-Ku.

YEHEZKIEL 16:53

Ki Tuhan in noguman kon Yerusalem, “Sodom bo Samaria takin ḻipú mita monia in baḻíon-Kudon bui mobiag motompia. Mopaḷut mako kon tua bo baḻíon-Ku domandon in iko mobiag motompia doman.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEHEZKIEL 37:21

Bo poguman kon i monia kon Akuoi, ki Tuhan Inta Totok in moḷantud in mogamábí kon bayongan in bangusa-Ku nongkon butá mita inta binayáan monia. Mosia in sipunon-Kubí bo diaan mobui kon butá monia tontaní.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.