AMOS 9:13 - Alkitab Singog In Mongondow Masa In Tanaa

¹³ Ki Tuhan in noguman, “Moiangoibí in wakutunea gandum in mobiag totuu moḻikat dá singgai ponoḻisían kon bungai in boyó diádon mobonto-bontow. Pangkoi in anggur in mobiagbí ḷagi totok in moḷoben dá intau in tantúdon momia kon tubig in anggur. Tubig in anggur in mototuyú nongkon buḷud mita bo moiḻig nongkon tombuḷud mita.

AMOS 9:13 ပူးပေါင်းရင်းမြစ်များ

KINOBAḺIAN 49:11

Ki adí in keledainea sinogotnea kon pangkoi, pangkoi in anggur inta totok in mopia. Sia in nomatá kon pakeangnea takin momaké in anggur, anggur ná kopura in dugú.

MAZMUR 97:5

Buḷud mita in iḷumoḷayat naonda bo lilin kon tayowon i Tuhan, kon tayowon i Tuhan, mongongawasa in sinangkub in butá.

YESAYA 16:10

Diá tobatúmai in noḷunganga in gina kon gobá mita inta noḷumbá tatua. Diá in nomaḷú nopia-pia in gina andeka nodondong kon gobá in anggur. Diá in nomugut kon anggur sin pomiaan tubig in anggur. Akuoi in nopogogaidon kon goḷokap pia-pia in gina monia.

YESAYA 55:13

Pangkoi in ḷokuyú in momaḷui kon pangkoi in bo bonganga, pinomuḷa bungang in momaḷui kon dogami. Tua in mobaḻí sinbá Akuoi in popotaau magí-mako; nobaḻí tomponuot inta mononoi inta diá mobuḻi-buḻi.”

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEHEZKIEL 36:35

Dá bayongan in intau mongoherang, popisí in butá tatua inta dungkuḷmai noḷogatdon tanaa in nobaḷuidon nobaḻí taman in Eden, bo kotá mita inta dungkuḷmai noingongow, norimumud bo nobaḻídon apug mita, tanaa in nobaḻídon kotá mita inta notorindog in poḷoḷukadannea bo nosisídon in intaunea.

YOËL 2:24

Dá gandum in buidon momonu kon tampat pomomugutan; anggur bo ḷana in zaitun in moiḻimpóbí nongkon pomomugutan.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

YOËL 3:20

Bo kinotutugan in dugú monia in batukon-Kubí in tontuḻínea, inta noḻimod kon inia in matoibí sibaton-Ku. Táe Yohuda bo Yerusalem in umuranbí oyúon in mogogutunnea, bo Buḷud in Sion in umuranbí pogutunan-Ku.”

IMAMAT 26:5

Bungai in boyó kon butá monimu moguntu-guntuḷ, modapot in aka moiangoidon in wakutunea mosipú kon bungai in anggur, umuranpa doman in moiko moratab kon gandum. Bo aka wakutuneadon momuḷa bui kon gandum, moiko in umuranpa doman mosipú kon bungai in anggur. Moiko in diábí kodai-daitan in kaanon bo mobiag motompia kon butámu.

AMOS 9:5

Butá modandú bo intaunea in monogumatoi, popisí in iḻiai i Tuhan Inta Totok in moḷantud bo Inta Totok in mokawasa. Naonda bo Ongkag in Nil moponik bo moponag natua doman in mosia moponik bodongka moḷabú.

YOHANES 4:35

Kai monimu in ‘opatpa nobuḷan bo mokoyut.’ Táe Akuoi in moguman kon inimu: Indoiaika magí-mako in gobá inta ain nodarag bo noḷutúdon, motaaudon koyuton!

HAKIM MITA 5:5

Buḷud mita in nodandú kon tayowon in pongawasa in Sinai, kon tayowon i Tuhan, Allah in Israel.