AMOS 8:9 - Alkitab Singog In Mongondow Masa In Tanaa

⁹ Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

AMOS 8:9 ပူးပေါင်းရင်းမြစ်များ

AYUB 5:14

Kon tungkuḷ in singgai mosia kokoḷoban in sindip, mongokap naonda bo doḷom.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 15:9

Ki iná inta kinobuḻian in adí ḷoḷaki taya pitu in sinogopuḷong sin mosisí in poginaannea. Singgai kinobiagannea in nosindipdon, kinorasaannea kon sia in pinopoompámai bo pinokopo oyámai. Musungmu mita pokiḻimodan-Ku in inta nobiagpa kon sigad monimu. Akuoi, ki Tuhan, ain nosingog.”

YEHEZKIEL 32:7

Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

MIKHA 3:6

“Ei nabi, motoyongdon in wakutumu; mata in singgaimu koyogotdon in tumoyop. Moiko in diá bidon bui mokouḻí kon oontongon inta moponiata kon tomayá-Ku mita. Moiko in diá bidon bui mokotoḻindap kon onu bo onu.”

ZAKHARIA 14:7

Kon singgai tatua diá bidon in mosindip. Singgai in umuran bidon mobayag, natuabí doman kon dodai in doḷom. Táe tongábí ki Tuhan in nonotaau mongo toonu in koangoian in singgai tatua.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

MARKUS 15:33

Naonda in noutudon in singgai, dunia sinimindip toḷu no jam in koonggotnea.

LUKAS 23:44

Degá jamdon mopuḷú bodoyowá noutu in singgai, mata in singgai diádon nonindar, bo bayongan in ḻipu kon tua sinimindipdon dapot in jam intoḷunea ḷoḷabungnea.

WAHYU 6:12

Bo akuoi in nokoontongdon bui kon i Adí in Domba tatua nomukat kon meterai inggonomnea. Bo nobaḻídon in ḻinug inta totok mokoondok kon dunia naa. Mata in singgai irumondí naonda bo didit morondí inta nokasar bo buḷan sinimimpuya naonda bo dugú.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.