AMOS 8:8 - Alkitab Singog In Mongondow Masa In Tanaa

⁸ Butá in moḷundanbí, bo bayongan i intau in moondokbí. Sinangkup in butá in modandú bo moḻimbok naonda bo Ongkag in Nil.

AMOS 8:8 ပူးပေါင်းရင်းမြစ်များ

MAZMUR 18:7

Kon bonu in roriga nokuani in akuoi kon i Tuhan, akuoi in nomaḷú kon i Allahku mokituḷung. Nongkon Baḷoi-Nea inindongogan-Nea in singogku bo nonondudut kon kuaniku.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YEREMIA 12:4

Modapot in toonupa in butá tanaa in moingkag, bo moingkag in bonoknea kon batúan in gobá? Ḷagapan bo mahaḷuk ibanea matoi popisí in aid moraat in bangusa nami. Mosia in mosingog kon akuoi in diábí mokoontong kon ukur monia.”

YEREMIA 46:7

Ki ine in sia inta noponik naonda bo tubig in Ongkag in Nil, naonda bo ongkag inta iyumanap kon bingkínea mita? Tuata in butá in Mesir. Gumannea, ‘Simindogbí in akuoi bo kawasaanku in dunia. Yopúonkubí in kotá mita takin intaunea.

YEREMIA 51:29

Butá in moḷundan bo modandú popisí in Akuoi koyogot mopobayá in tomayá-Ku sin mopobaḻí kon Babel tampat moḷogat inta diádon inutunan in intau.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

AMOS 9:5

Butá modandú bo intaunea in monogumatoi, popisí in iḻiai i Tuhan Inta Totok in moḷantud bo Inta Totok in mokawasa. Naonda bo Ongkag in Nil moponik bo moponag natua doman in mosia moponik bodongka moḷabú.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.