AMOS 8:10 - Alkitab Singog In Mongondow Masa In Tanaa

¹⁰ Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

AMOS 8:10 ပူးပေါင်းရင်းမြစ်များ

KINOBAḺIAN 21:16

bodongka minayá iḻimitú iyumayú degá mogatutmai nometer nongkon tampat tatua. Kon bonu in raiannea, “Akuoi in diábí mokotahang in mokoontong kon i adíku matoi.” Bo nongombaḷdon in sia.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AYUB 3:5

Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

AYUB 30:31

Koḻipod in dinongogku in musik ḷunganga in gina, tanaa in dongkadon amui pongombaḷan.

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

OMBAḶ 5:15

Kami in kinobuḻiandon in ḷunganga in gina; tayok mita in nobaḷuidon pinonogumatoian.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

HOSEA 2:11

Bayongan in bobutungannea in pogogaion-Kubí, pinomayá bobutungan taongan andeka bobutungan buḷanan bo singgai mita in Sabat; impoḷok mako in singog, bayongan in bobutungan in agamanea.

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

YOËL 1:8

Pongombaḷdon, ei umat, naonda bo mongodeaga inta norobonoḷ in dodob inta nongombaḷ kon kinopatoian i kantangnea inta kinotabinea.

IMAMAT 13:40

Aka tobatú ḷoḷaki nobaḻídon noḷogat kon dotá in tuminea ande kon dotá in munanea, dá ḷogatnea tatua in diábí mokopopisí kon inia nonajis.

AMOS 5:21

Ki Tuhan in noguman, “Akuoi in doíbí bo mototuka in mokoontong kon bobutungan mita in agamamu!

AMOS 5:23

Gogaiaidon in dondongmu mita inta mokobinim-biní tua; Akuoi in doíbí mokidongog kon pogogitoganmu kon kecapi.

AMOS 8:3

Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

ULANGAN 16:14

Pobarasanangdon takin i adímu mita, in bobantungmu mita, in intau in Lewi, intau ango-angoi, adí uno-unon bo inta dongka boba-bobay mita inta nogutun kon kotámu mita.