AMOS 7:5 - Alkitab Singog In Mongondow Masa In Tanaa

⁵ Akuoi in noguman, “O Tuhan Inta Totok in moḷantud, pogogaidon kaasí in tuḷú tatua! Umat-Mu in totuu mointok bo moyangkó, naondabí in mokotongod in mosia?”

AMOS 7:5 ပူးပေါင်းရင်းမြစ်များ

MAZMUR 85:4

Mosia in diá bidon sinorúan-Mu; torú-Mu inta motoyang in ginamá-Mudon bui.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:25

Kon bonu in wakutu motoyong torú-Ku kon inimu mogogaidon, bo mosia in yopúon-Ku.

YEREMIA 30:19

Intau inta nogutun kon tua in modayowbí kon i-Nakó pongin dondong, bo monggoḷokap takin ḷunganga in gina. Baḻíon-Ku in mosia horomaton bo diádon singkuḻeon, bo kobayong monia in tantúdon modugang.

YEHEZKIEL 9:8

Kon bonu in pinoḻimodan tatua pinobayá, akuoi in kon tua aku-akuoi mita. Sinumungkud in akuoi bo nomaḷú, “Tuhan Inta Totok in moḷantud kaasí nádomai tua in torú-Mu kon Yerusalem nodapot in pokiḻimod-Mudon komintan in intau inta kon Israel naa?”

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

PINOGIAPAN 14:19

Tanaa, Tuhan, popisí in moḷoben totok in tabi-Mu bo Iko mosatia kon onu inta ain pinodandi-Mu, dá poigumonku, ampungaidon in dosa in intau mita tanaa ná Iko ain nongampung kon i monia pinangkoipamai mosia nonaḷámai kon butá in Mesir.”